Axencia Local de Colocación - Santiago de Compostela 3.98

A Axencia Local de Colocación do Concello de Santiago de Compostela é unha axencia de colocación sen fins lucrativos, deseñada e xestionada polo Departamento de Emprego da Concellaría de Familia, Benestar Social, Muller e Emprego. Está autorizada polo Servizo Público de Emprego, segundo o establecido no Real Decreto 1796/2010, do 30 de decembro, co número de identificación e autorización 1200000008.

Constitúese como un servizo de intermediación laboral. O seu principal obxectivo é axudar o demandante de emprego a encontrar un posto de traballo axeitado, facilitando o axuste das ofertas e demandas de emprego.