A Axencia de coñecemento en saúde (ACIS) do Sergas de Galicia nace para tecer e alimentar a rede na que todos os profesionais en saúde de Galicia se forman, investigan, innovan, comparten experiencias e interactúan coa súa contorna. Neste contexto ACIS traballa para que o coñecemento flúa de forma eficiente nun modelo de innovación aberta e cunha clara visión internacional.
Poñemos en valor o talento e o coñecemento para lograr a excelencia e a máxima competitividade no ecosistema sanitario galego. O resultado: A mellora contínua no coidado das persoas.