احنا مجموعة من الشباب عندنا هدف وحلم موجود عند ناس كتير اوى وهو اننا نلف العالم كله وكنا ومازلنا عايزين نحققه
بس بالصدفه ومن 4 سنين طلعنا رحلة مع صحابنا وروحنا مكان مكناش متخيلين روعته تحديدا فى جنوب سيناء وانبهرنا بالمحميات الطبيعية والشعب المرجانية والاسماك اللى كنا بنلعب معاها
وعرب سيناء والاكل والشاى البدوى والحرف والمنتجات اليدوية بتاعتهم ومن وقتها قررنا نبقى مجموعة اكبر ونلف مصر كلها
وفكرنا اننا ليه نكون احنا بس طب ليه منعملش طلعات ورحلات مميزة بأسعار رمزية عشان نوصل لاكبر عدد ممكن من الناس يشوف قد ايه فى اماكن حلوة وجميلة في بلدنا
وزى مابننبهر بالاماكن برا عندنا اماكن جميلة وارخص
طب يلا نشوف اللى عندنا الاول ؟!!