شقتك بايدك 2.91

بيقولك في مشروع اسمه شقتك بإيدك الشقق فيه بتكون أرخص من سعر السوق بيجي ١٠٠ الف جنيه ؟
وده مشروع تبع الحكومه ؟؟؟؟
لا ياعم مش تبع الحكومه دي شركه كده اسمها عقار السادات.
ده كان حوار بين اتنين عمال ف مصنع سمعوا عن فكرة شقتك بإيدك


ورغم عدم علمهم الكافي بتفاصيل الفكره الا اننا بنعتبر وصولنا للناس دي نجاح كبير للفكرة وطبعا يهمنا ان الناس دي تفهم الفكره عشان تستفيد من مشروعنا شقتك بإيدك
في مشروع شقتك بإيدك رفعنا شعار شقتك بسعر التكلفة وكمان بالتقسيط
ازاي بسعر التكلفة مين الي هيشتري ارض ويكلف نفسه مباني ووش ووجع دماغ وفلوس بالملايين عشان يبني عماره وبعدين يبيع الشقه بتكلفتها ولا حتي بهامش ربح بسيط


بص يا سيدي الفاضل هابسطهااالك
الفكره في اساسها اتحاد ملاك يعني مجموعه اتفقوا هيشتروا مع بعض قطعه ارض ويبنوا سوا وكل واحد ياخد شقته بسعر تكلفتها
ااااااه فهمت بس ياعم دا الموضوع ده وجع دماغ ومين هيسيب شغله ويبني ومين أصلا هيجمع الناس ويدير المجموعه ده صدااااع.
ايوه من هنا بقي جت فكرة شقتك بإيدك وهو ان الاتحاد ده يكون تحت إدارة محترفه ليها خبره ف السوق العقاري وقادره تجمع الناس وتديرهم وتشتري الارض وتبني واهم من ده كله انها تكسب ثقة الناس وده كله بفضل الله احنا بنتميز بيه
فقررنا نبدأ مشروع شقتك بإيدك وبفضل الله نجحنا في تنفيذ اول وتاني عماره في المنطقه ال 12 في مدينة السادات وقريبا هتكون العماره الثالثة.
الفكره ف الاول مكنتش سهله وده لانها جديده علي كتير من الناس وطبيعي ان اي فكره جديده بتكون متهمه لحين اثبات نجاحها
ده غير الهجوم علينا من بعض المستثمرين ومحاولة عرقله المشروع بطرق مختلفه علي الرغم اننا لا نهدف لضرر المستثمر ولكن بنسعي لضبط الأسعار في مدينة السادات الي اصبحت الي حد كبير غير واقعية واللي ان شاء الله هنساهم ف ضبتها عن طريق مشروع شقتك بإيدك

الفكرة قابله للتنفيذ فى اكتر من منطقه فى مدينة السادات وبأكتر من مساحة بس إحنا حددنا ال12 لان ده النموذج الى طبقناه بالفعل ولكن ان شاء الله المراحل الجايه هتكون فى مناطق مختلفه فى المدينة زى ال12وال7 و ال15وال20

لو عايز تحجز فى العمارة الثالثه شقتك بإيدك تواصل معانا على الارقام دى : 01098204472 أو 0112557858

أو شرفنا فى مكتبنا فى مول الزهور بجوار قسم الشرطه الدور الثالث

ومتنساش تشارك الفكره عشان كل اللي بيدور على شقه للسكن او الاستثمار يستفيد