شقة جاردن سيتي 5.42

- احنا كافيه وبوك ستور

- مكان معمول على الايد .. هادف للربح في المقام الأول .. وللانبساط في المقام التاني .. وأحيانا العكس .. وياريت نبقى قد أي مقام .. عندنا مكتبة لطيفة غير هادفة للربح اطلاقا .. تقدر تقرا أي حاجة في أي وقت بس ماتروحش بيها ولو هتروح بيها عرفنا .

- كل شئ هنا اتعمل بمزاج وروح .. مش بس عشان نعمل شئ مختلف .. لكن كان هدفنا الأكبر ان المكان يبقى ليه شخصية .. الشخصية عندنا هي البطل وهي التيمة .

( أنا والد الشعراء فؤاد حداد .. أيوه أنا الوالد ..وياما ولاد )
تكبيرة الإمام

( طول عمرك كده تعمل حاجات غلط والناس يسقفولك في الأخر )
الهروب

( بس النهارده خليني أعيش )
أمل حياتي

- بنقدم ايه ؟ .. بنقدم شرب وأكل وهدوء .. قعدة حلوة .. نت سريع .. جدا .. مكان مناسب لورشة .. جاليري .. ايفينت حلو .. حفلة صغيرة.. بنحب الفن والأدب والجمال وهنحاول طول الوقت ندعم ده .. على قد ما نقدر .. وانتو هتحاولوا تساعدونا .

- الألوان سكة والأبيض والأسود سكة .. الرسميات سكة والعشم سكة .. الفورمال سكة والكاجوال سكة .. ومش كل السكك بتودي لروما زي ما دايما بنقول .. فيه سكة بنحاول نعملها هتودي لهنا .. لشقة جاردن سيتي .