Juanita Lacock toor met uitleg en ontwerp en die maak van meubels en gordyne vanaf haar basis, Multi Blinds & Decor op Worcester. Sy doen ook kombuisuitleg en gee kleuradvies - dis basies 'n eenstop-raadgewende onderneming vir alles in en om die huis.
Sy hou van vertrekke waarin sy tuis voel, en maak seker dar haar kliënte net so voel oor húl ruimte. Daarom doen sy moeite om besonderse artikels uit te soek wat by hul persoonlikheid sal pas, maar op 'n treffende manier waarde sal toevoeg tot hul huis en leefstyl.