Kothuis by Plaashuisie Gastehuis 2.49

Kothuis by Plaashuisie bied gerieflike selfsorgverblyf in 'n landelike tweeslaapkamer-kothuis in 'n stil straat, op die perseel van 'n ou historiese plaas in die Flamwood-uitbreiding in Klerksdorp. Die kothuis is binne maklike bereik van Flamwood Travel, die Greenfields Nursery en Matlosana Mall geleë dit is ook n paar minute se ry na Wilmed Park Hospitaal.

Die selfsorg-kothuis is ideaal vir sakereisigers of 'n gesin van 4 en het 2 slaapkamers, 1 badkamer, 'n leefarea en 'n kombuis. Die eerste slaapkamer het '2 dubbelbeddens en die tweede slaapkamer het 2 driekwartbeddens. Die badkamer het 'n keur toiletware en 'n bad. Die leefarea het 'n TV met 'n keuse van DVD's beskikbaar. Die kombuis is toegerus vir selfsorg en gaste het die opsie om ontbyt, middagetepakkies of aandete, teen redelike pryse, te bestel.

Daar is onderdakparkeerplek beskikbaar en die eenheid het 'n binnehof met 'n gasbraai. Wasgoeddienste is beskikbaar teen ekstra koste.

Funksies soos Verjaardag Partytjies en meer kan ook gereel word.