San Juan Dela Cruz Parish 5

Noong ika-5 ng Hunyo, 1993, ang Diyosesis ng Malolos, sa pangunguna ni Obispo Cirilio Almario, ay nag padala ng pari sa sambayanan ng Diyos sa Barangay Ugong at Mapulang Lupa upang pangasiwaan ang mga parokyano. Bilang pastol ng nasabing dalawang barangay, si Father Albert Santiago ay malugod na tinanggap ang sabayanan ba dati ng aktibong lingkod ng mga simbahan ng Parokya ng Holy Cross sa Gen. T. De Leon at Our Lady of the Holy Rosary sa Maysan, na kapwa nasa ilalim ng Bikarya ng San Diego De Alcala.

Sa pamamagitan ng mga pagtuturo, nahubog ang mga nauna nang pamunuan ng simbahan. Sila din ang mga tumulong upang pasimulan ang pagpapatayo ng simbahan. Ang pagbibigay ng mga sakramento ay nagsimula sa buwan ng Setyembre ng taong din yaon.

Habang ang mga ito ay nanyayari, si Fr. Albert ay nanalangin kung sino ba ang magiging Patron ng simbahan na kasalukuyang itinatayo. Dalawa ang kanyang pinagpilian, sina Sta. Lucia at Sta. Clara ng Montefalco. Habang siya ay humuhingi ng gabay ng Banal na Espiritu, isang kaibigang madre ang nagbigay ng isang RELIKYA (a part of clothing or body of a Saint which is sacred) ni San Juan Dela Cruz. Nuon din ay naisipan niyang ito na ang magiging patron ng Quasi-Parish.

Sa paglipas ng taon, patuloy sa paglago ang mga parokyano kung kaya’t nagpasiyang magpadala ng sulat si Fr. Albert sa Obispo ng Malolos, Obispo Rolando J. Tirona, kung saan nakasaad ang paglago ng mga samahan na naging batayan upang maging isang parokya na ang Quasi-Parish ng SAN JUAN DELA CRUZ.

http://sanjuandelacruzparish.tumblr.com/
http://issuu.com/sjdcp