Official Sta. Cruz Parish Tanza Navotas 3.76

Sinasabing ang lahat ay nagsimula sa isang kahoy na krus na nakuha sa dagat ng ilang mga mangingisda, 19 na daang taon na ang nagdaan. Dahil dito,ang mga naninirahan sa Tanza ay nagsumikap at nagtulungan na magkaroon ng isang munting “BISITA” na matatagpuan sa Tanza Kaliwa na yari sa pawid at kawayan at tinawag na simbahan ng Sta. Cruz. Ito ang nagsilbing bahay dalanginan at timbulan ng pananampalataya ng mga mamamayan ng Tanza. Taong 1951 naging parokya ang simbahan ng San Roque at naging “KAPILYA” ang Sta. Cruz sa pangangalaga ni Fr. Manuel Ramos ng mahigit 20 taon na sinundan ni Fr. Eleno Tepace. Gayunpaman, ang pagkakaroon ng permanenteng pari ay naging isang pagsubok sa mga mananampalatayang Katoliko ng Tanza. Noong ika-4 ng Pebrero, 1990, sa tulong ni Arsobispo Jaime Cardinal Sin ng Maynila, naging Quasi Parish ( maliit na parokya ) ang Sta. Cruz. Sa pagkakataong ito, naitalaga si Rev. Fr. Martin Guarin bilang kura paroko.