Kya bataun kitna uncha hai muqam-e-iftekhar
karte hain shams-o-qamar bhi ahteram-e-iftekhar
Sadr mahshar ke sipahee hashr mein farmaayenge
Inko mat chhedo k ye sab hain gulam-e-iftekhar
...
Chaha zam zam pee ke bhi siraab ho sakte nahi
Mangte hain jaam-e-bismil tishna kaam-e-iftekhar
maanwi nazron se dekhe haamizul asnan ko
janna chahe agar koi payam-e-iftekhar
Raqs mein rindan-e-bismil honge roze hashr bhi
Hath mein lekar k saagar aur jaam-e-iftekhar
kya kahun hai kitna uncha mushaf-e-rukh ka muqam
Gungunate hain salim bhi kalam-e-iftekhar
Aahate milti nahi aur dil mein aajate hain ye
kitna be aawaz-o-nazuk hai kharaam-e-iftekhar
Dekhiye chashm-e-zaki chashm-e-salimulla hai ye
Hogi deed jalwa haae lala faam-e-iftekhar
Fikr faizi ka parinda rah gaya hokar aseer
Waqaee had darja hai dilgir daam-e-iftekhar