「Be Nice To Life 活好點」
Life字有兩個意思:「生活」和「生命」,我哋嘅理念就係希望大家「生活」得好一點.對「生命」好一點,期望透過《環保》、《天然》、《純素》嘅產品,由日常生活開始,令大家明白和感受呢個理念。大家只要喺生活細節上做一啲唔同嘅選擇,輕輕鬆鬆已經可以「活好點」。
環保可由日常生活開始,稍稍改變一下貪方便嘅習慣,拒絕即棄,選擇可重覆使用嘅產品,都可以有效減廢,例如:環保麵包袋、隨身杯、不鏽鋼飲管及伸縮食物盒等。推動環保唔可以淨係靠政府,更加唔係專家先做到,環保其實可以好入屋,你我都可以為自己、為地球出一分力!
選擇使用成份天然嘅產品,減少接觸有害或容易致敏嘅化學成份(例如:SLS/SLES類石油提煉的活性界面劑/起泡劑,Paraben/MI/MCI類防腐劑,人工合成香味等),除咗可以避免對皮膚和身體構成刺激,亦可以減少對環境造成污染。我哋提供多種天然產品嘅選擇,包括手工皂、護膚品、礦物彩妝、洗衣粉、家居清潔及寵物用品等。
純素、環保同地球係息息相關,純素係一種飲食習慣亦係一種生活態度,遍及日常生活中各個部份,選擇不含動物成分和不作動物測試嘅食物及產品,除為健康著想,亦唔會因為滿足個人慾望而傷害動物。
「人生就只可以活一次,對自己好啲啦!」
「地球亦都只係得一個,對地球好啲啦!」