Seven Crafts - سبع صنايع 4.26

٧ صنايع عبارة عن مساحة يلتقي فيها الشباب من سن ١٠ سنين لـ١١٠ سنة لتبادل الخبرات و المعرفة، المساحة مجهزة لأنشطة كتير فنية و علمية و ثقافية و بتشجع على الإبداع و التعبير الحر و التبادل غير المشروط للخبرات.

من المبادئ الأساسية لـ٧ صنايع التعلم بالتجربة و على رأي المثل "اسأل مجرب...". و علشان كده هنستضيف ذوي الخبرة من مجالات مختلفة لمشاركة أعضاء سبع صنايع خبراتهم دي و مساعدتهم في البدء بالتجربة في أسرع وقت.

مبدأ أساسي تاني هو إن التعلم هدفه تحقيق أثر إيجابي للمجتمع و البيئة المحيطة و مش تحصيل للمعرفة أو الخبرة بشكل منفصل عن المجتمع. و بالتالي هنستضيف سكان المناطق اللى فيها مساحات ٧ صنايع و العاملين فيها و نحاول نربط أهداف مجتمع ٧ صنايع بمشاكل محددة و نحاول نقدم حلول.