Qatrani Camp 4.15

- مين احنا ؟؟
إحنا مجموعة شباب من عرب الفيوم
احنا اتوجدنا عشان نشوف الناس والناس تشوفنا
اي حد عايز يفك من الدنيا بيجي عندنا وبنعيشه في عالم تاني ويعيش جونا
- موجودين فين ؟؟
في الفيوم .. مكان مش بعيد اوي نبعد 150 كم عن القاهرة
وساعة ونص من ميدان الرماية يعني حوالي 100 كم
- فين بالضبط ؟؟
الكامب موجود في محمية جبل قطراني في الساحل الشمالي الغربي لبحيرة قارون ودي من اقدم البحيرات في العالم
اكيد سمعتوا عن وادي الريان ووادي الحيتان دول محميات مجاورة لمحمية جبل قطراني
واحنا نبعد 20 كم من قرية تونس الريفية و 15 كم عن قصر قارون
- اول مرة تسمع عن محمية جبل قطراني ؟؟
للاسف ناس كتير متعرفش حاجات عن المحمية بالرغم من ان المكان هيعلن منطقة تراث عالمي
عشان المنطقة بتضم اماكن سياحية واثار مهمة جدا
زي الغابة المتحجرة ,, قصر الساغة ,, مدينة ديميه السباع ,, اقدم طريق في العالم
منطقة ودان الفرس ,, جبل الالوان ,, جزيرة القرن
وغير ده كله منطقة طيور مهاجرة ,, بيعدي عليها 36 نوع من الطيور المهاجرة الزائرة في فصول الصيف والشتا
وكمان في اساطير كتيرة عن وجود كنوز مدفونة
- امتى تزورنا ؟؟
تقدر تيجلينا في اي يوم من ايام السنة يعني مش بنقفل لا شتا ولا صيف
وموجودين صبح وليل
- الموضوع مكلف ؟؟
عشان احنا شباب زينا زيكو ,, الموضوع بسيط خالص يعني اللي ممكن تدفعه على قهوة او كافيه او اي مكان
تقدر تقضي بيه يوم عندنا ومش هيكون يوم عادي خالص لاننا بنقدم انشطه وبرامج جوا الكامب وبرا الكامب وممكن تختار اللي تحبه
المكان اوصله ازاي ؟؟
مش صعب تدخله ممكن تزورنا بالباص وتقدر تيجي بعربيتك العادية مش لازم عربية فور باي فور
- ايه اللي ممكن تعمله عندنا ؟؟
البرامج والانشطه كتيرة ومتنوعة وبتناسب جميع الفئات العمرية
يعني هتلاقي البرامج اللي تناسبكوا لو انت جاي مع شلتك او مع عيلتك
ولو ليك اي سؤال ممكن تتواصل معانا على الرقم ده
01001011019