Karakeeb Makerspace 3.91

إتعرف علينا Karakeeb Maker Space
علشان تعرف إحنا مين وبنعمل إيه إنت لازم في الأول تعرف شوية حاجات
مين كراكيب ؟
مجموعه مهندسين بتحب التكنولوجيا وبنعمل بيها أفكار ومشاريع مختلفة وغير تقليدية ( يعني مشاريع مجنونة :D ) هدفنا إننا نخلي الناس تعرف التكنولوجيا وتحبها وتستفيد بيها في حياتها .
إزاي بنعرف الناس بالتكنولوجيا ؟
• بنعمل ورش عمل مختلفة بمعدل مره كل شهر في أماكن مختلفة زي مركز الجزويت الثقافي و مكتبة إسكندرية و غيرهم كتير. الورش دي بتكون لمده يوم واحد او يومين الغرض منها إن الناس تتعلم وتنفذ فكره جديدة من غير ما يكون عندها خلفية دراسية معينة .
• بنعمل ورش طويله المدي ودي بتكون تدريب علي تكنولوجيا جديدة بس لمده أطول للناس اللي مهتمه بمجال معين زي (Robotics – Aviation –Solar Stations )
• بنعمل مشاريع جديدة زي Ecokhadra وده ممكن تتعرفوا عليها أكتر من صفحتنا http://fb.com/ecokhadra
• بنعمل Review Kits وده بيبقي بصفه دورية كل ما بيظهر حاجه جديدة في التكنولوجيا زي Arduino وال Raspberry pi وغيرهم من ال Kits اللي بتسهل للناس تنفيذ مشاريعهم المختلفة بنعرف الناس ايه هي الKit دي وايه إمكانياتها وإزاي يقدروا يستخدموها .
• بنساعد الناس اللي عندها أفكار وعايزة تنفذها بإننا بنعرفهم ايه هي الخامات والأدوات المختلفة اللي ممكن يستخدموها وده علي حسب إمكانياتهم ,كمان بنعلمهم إزاي يقدروا يتعاملوا مع الأدوات دي وايه التكنولوجيا اللي ممكن يستخدموها ومش بس كده بنكون معاهم خطوة بخطوة لحد ما ينفذوا مشروعهم .

ايه هو الMaker space ؟
ده عباره عن مكان فيه تجهيزات وادوات مختلفة تساعدك انك تنفذ فكرتك مش بس كده إنت كمان حتلاقي ناس عندها أفكار تانيه ممكن تشارك معاهم وتتعلم حاجة جديدة وكمان حتلاقي ناس عندها خبرة كافية إنها تقدر تساعدك .
إيه اللي يفرق Karakeeb Maker Space عن اي Maker space تاني ؟
إحنا ال Maker space بتاعنا هدفه الأساسي التكنولوجيا مش بس للناس اللي لسه بتدرس او للخريجين لأ ده كمان هيكون ضمن البرنامج بتاعها الأطفال يعني إحنا هنلعب مع الناس بالتكنولوجيا من اول سن 3 سنوات ولغاية 60 سنة وده هيكون من خلال مجموعة برامج إبتدينا منها أكتر من مرحلة.
برنامج عيلة
وده برنامج مخصص للعيلة اللي عندها أطفال من 3 – 12 سنة لإن دي المرحلة اللي بتكون حابب تنمي ذكاء طفلك وتخليه يتعلم حاجه مفيدة فبدل ما تشتريله لعب جديده أو تقدمله في الأماكن اللي بتعلم الأولاد التكنولوجيا تعالي معاه وساعده إنه يعمل لعبه بنفسه وده بيكون مره في نهاية كل إسبوع.
الجزء التاني من برنامجنا هيكون مقسم علي عدة مستويات:
المستوي الأول : روكي (مبتدئ)
وده بيكون للناس اللي حابة تتعلم حاجه جديده ومعندهاش خلفية دراسية او غير دراسية عنها.
هو مش بس بيتعلم معانا كمان بيشارك في كل المشاريع والورش اللي بتتنفذ في فترة اشتراكه وبيتعلم ازاي يكون جزء من فريق يشارك معاهم وينفذ أفكار ومشاريع مختلفة .
كمان بمجرد اشتراكه معانا بيتعمله إيميل علي Karakeeb.co .
ده بيكون الساعات المتاحة إنه يكون متواجدفي المكان خلال الشهر محدود بالنسبة لباقي المستويات الاخري.
المستوي الثاني : ميكر(Maker)
ده شخص عنده معلومات ومهارات مختلفة بس معندهوش أدوات يقدر يستخدمها وبردو حابب يتعلم حاجة جديده.
وده عنده نفس الإمتيازات اللي في المستوي الأول بس كمان زياده عليها شوية حاجات :
• مكان يقدر يخزن فيه أدواته ومشاريعه
• وقت أطول للتواجد في المكان بالنسبة للمستوي الأول
• يقدر كمان يعلم الناس ويشارك معاهم معلوماته
المستوي الثالث : ميجا ميكر (Mega Maker)
أنت كده وصلت معانا لمرحلة العظماء اللي منها تقدر تكون واحد من فريقنا :D ودي مكانة عظيمة.
هنا إنت إمتيازاتك بتزيد عن كل المستويات اللي فاتت بس كمان مسؤلياتك بتزيد يعني مش بس إنت بتتعلم وتشارك في الأنشطة المختلفة لأ إنت كمان بتكون مسؤل عن المحافظة علي الماكينات اللي موجوده عندنا وكمان بتشارك معانا في صيانتها .
بتساعد الناس المبتدئه إنها تستخدم الأدوات المختلفه الموجوده في المكان .
إنت هنا بيكون معاك مفتاح للمكان ووقت تواجدك بيكون غير محدد يعني بتعتبر نفسك فرد أساسي في فريق كراكيب .
الجزء التالت من برنامجنا اسمه (علي راحتك)
وده للناس اللي حابه تتعلم حاجه جديدة او تنفذ فكرة معينة بس معندهاش وقت كبير تقدر تكون متواجده فيه في المكان فبتيجي في الساعات اللي هي حابة تتواجد فيها وبيكون التعامل معاهم بالساعه علي حسب الخدمات اللي حتتقدملهم .

لو حابين تعرفوا أكتر تابعوا علي صفحتنا fb.com/karakeeb.co http:// ولو عندكم أي افكار او مشاريع حابين تنفذوها تعالوا عندنا وننفذها مع بعض :D .