Escape Mansoura 4.84

لعبة الهروب دي لعبة عالمية جديدة مبنية علي الذكاء و دقة الملاحظة و العمل الجماعي ... اللي بيحصل فيها انكم بتيجوا كفريق مكون من عدد افراد بيتراوح من فردين لحد 10 أفراد علي حسب الأوضة اللي هتختاروا تدخلوها. بتختاروا أوضة من الــ 7 أوض الموجودين عندنا ، بنحكي لكم قصة أو سيناريو للأوضة ، و علي حسب السيناريو ده بيكون ديكور الأوضة ، و بعدين هنغميكم و نحبسكم في الأوضة اللي اخترتوها و هنطلب منكم تشغلوا مخكم و دقة الملاحظة علشان تقدروا توصلوا لمفتاح هروبكم من الأوضة أو علشان تنفذوا مهمة معينة مطلوب منكم تنفيذها جوا الأوضة. الفريق أثناء وجوده في الأوضة مطلوب منه يكون مركِّز جدا ، دقيق الملاحظة علشان أي شيء حواليه في الأوضة ممكن يكون فيه معلومة هتحل لغز ، و كل ما يحل لغز هيوصَّلُه للغز جديد في الأوضة. لو الفريق نجح في حل تسلسل الالغاز ده هينجح في النهاية انه ينفذ المهمة المطلوبة منه أو انه يوصل لمفتاح هروبه ، بس ده لازم يكون قبل نهاية الوقت وإلا انت المسئول عن اللي هيحصل :O