أحنا جروب رحلات بس مش أى جروب ومش أى رحلات
جروب لا يهدف للربح ولا مكسب تنظيم الرحلات ولا شركات السياحة
رحلاتنا غير أى رحلات
لفينا مصر من راس حدربة وحلايب وأبو سمبل وواحة باريس وراس بناس لغاية رفح شرقاً وسيوة غرباً وبحيرات المنزلة والبرلس شمالاً.
بنلف مصر حتة حته وشبر شبر بعربياتنا الخاصة واللى معاهوش عربية له مكان
التكلفة بتتقسم علينا كلنا .... رحلاتنا نص سعر أى رحلة.
بنوفر أقصى توفير لأننا مش رايحين فسحة أحنا رايحين مغامرة وأستكشاف وأقصى أستمتاع.
بندخل أى مكان وأى منطقة ونقف فى أى حته تقابلنا.
هنقولك على معلومات وأماكن عمرك ما سمعت عنها قبل كده
هنسهلك تروح الاماكن دى أزاى وتنزل فين وتروح فين
مبنروحش الأماكن التقليدية ومبننزلش فى فنادق غالية وميهمناش غير أكتشاف المكان وأسراره.
بنعيش عيشة أهل المكان وبننزل عندهم فى بيوتهم وبناكل أكلهم وبنعرف حياتهم وعيشتهم وتقاليدهم.
معانا كل معدات التخييم.
نعرف ناس فى كل شبر.
من الآخر رحلاتنا غير أى رحلات..