Dogs Egypt "Ahmed Baher" 4.65

احنا مين ؟؟
بدايتنا كانت هواية تربية الكلاب و جمعنا حب هذه الكائنات المخلصة
فكرنا اننا ننشر الهواية دى بين الناس و نساعدهم انهم يختارو يبتدوا ازاى و ايه الأنواع المناسبة ليهم و لنظام حياتهم و شغلهم و المساحة المتاحة عندههم ،عشان الاختيار الخاطأ حيتسبب فى نتائج مرهقة و مكلفة للمربى و كمان حتبقى ظالمة و مؤلمة للكلب نفسه عشان زى ما اتفقنا ان دى روح احنا حنتحاسب عليها قدام ربنا و هو ملوش اى زنب اننا اختارنا غلط من الاول
مكان مزارعنا فين ؟؟؟
احنا مجموعة مزارع موجودة فى أكتر من مكان
موجودين فى :
الرحاب
مدينتى
مصر الجديدة
المقطم
الاسكندرية
هدفنا اننا نوصل بفروعنا لأغلب محافظات مصر فى أقرب وقت
انتم محل يعنى بيبيع كلاب ؟؟
احنا مش محلات لبيع الكلاب احنا مجموعة من الbreeders بنحاول اننا نوصل بإنتاجنا و شغلنا سواء اللى بيتم إنتاجه فى مصر او بيتم استيراده من الخارج لاعلى مستوى من نقاء السلالة و جودة المصدر

نتواصل معاكم و نكلمكم ازاى ؟؟
فى فريق حيتواصل معاكم ٢٤ ساعة فى اليوم و حيرد على أسئلتكم و استفساراتكم فلو حضرتك عملت comment او بعتلنا message فى اى وقت حيقوم فريق ال admins بالرد عليك خلال ٣٠ دقيقة كحد أقصى
ازاى اعمل order بنوع كلب معين سواء معروض على الصفحة او اطلب اى نوع تانى ؟؟
حتكلمنا او تبعتلنا message و تقولنا طلباتك ، حنجيبلك طلبك خلال ٧٢ ساعة و بنحددلك معاد و بتيجى تستلم الكلب من أقرب فرع لمزارعنا القريبة ليك
لو كلب حيتم استيراده من الخارج بياخد وقت من ٢٠ يوم لشهر عشان يوصل مصر و بتتفق على كل حاجة و بتشوف تاريخه و مواصفاته قبل ما نعمل الاوردر
انتم ليه أسعاركم غالية ؟؟
زى ما وضحنا احنا الهدف اللى بيجمعنا هو حب الهواية و رغبتنا فى نشرها فى مصر و زيادة الوعى بيها و هدف الربح هو أخر اهدافنا و لكننا مش بننكر ان فيه نسبة ربح بنضطر نحطها عشان نقدر نغطى تكاليف و رعاية الكلاب طول فترة بقائها عندنا و خصوصا الرعاية الصحية و التغذية السليمة و التطعيمات اللازمة و كمان المساحات المناسبة لإخراج انتاج يتمتع بصحة جيدة
واهم حاجة اننا مش بنتعامل غير فى السلالات ذات النقاء العالى و اللى بيطابق نقائها و مواصفاتها المواصفات العالمية المتعارف عليها للسلالة دي
يا استاذ ما حضرتك المحلات بتبيع كلاب ب ٧٠٠ جنيه و الف جنيه !! ما الأسعار قليلة اهو ؟؟ ليه انتم أغلى ؟؟
أحب أوضح لحضرتك الآتى و انت احكم :
حضرتك الكلاب دى بتبقى مجهولة المصدر و الهوية و مش معروف اى حاجة عن تاريخها او سلالتها و بتبقى مظهر خارجى فقط و بتظهر تشوهات السلالة كل ما الكلب بيتقدم فى العمر
"زى تشوهات الأقدام نتيجة تربيتها فى أماكن غير مناسبة ( الكساح)
او الضعف الچينى للكلب نتيجة لعدم التغذية السليمة و اختيار أرخص انواع الاكل لتقليل التكلفة على المحل اللى بيبيع الكلب و دى بتزود فرص الكلب فى التعرض للامراض و اللى حتكلفك أضعاف سعر الكلب كتكاليف علاج ، طيب ما اختار صح من الاول (low immune protection system )
وحنقولك معلومة و نسيبك انت تحكم :
حضرتك لو حتشترى كلب عنده شهرين مثلا من عند اى محل ، حضرتك لازم تتأكد انه واخد التطعيمات ديه و معاه شهادة من عيادة معترف بيها
تطعيم ثنائى بعد ولادة الكلب بفترة قصيرة
تطعيم ثمانى فى بعد سن ال ٤٥ يوم
تطعيم ثمانى "جرعة تنشيطية" بِعد ١٤ يوم من تاريخ التطعيم السابق "و ده يشمل تطعيم مرض البارڤوً القاتل" و اللى بسببه بيموت معظم الكلاب اللى بتتباع فى المحلات
تطعيم ديدان Drontal
تطعيم الحشرات Revolution
طيب حضرتك عارف التطعيمات ديه بتتكلف كام ؟؟ حوالى ٦٠٠ جنيه كحد أدنى (طيب ازاى انت حتشترى الكلب ب ٧٠٠ جنيه ؟؟)
مهمتنا ايه ؟؟
* حنساعدك تشترى الكلب بتاعك من احسن السلالات المتاحة عندنا "كامل التطعيمات و مضمون المصدر"
* بنستورد من جميع أنحاء العالم من اكبر المزارع العالمية و خاصة من "صربيا و أوكرانيا"
* حنبقى معاك دايما فى اى وقت تحتاجنا فيه و نساعدك لو واجهتك اى مشاكل صحية او سلوكية مع الكلب بتاعك.
* حنساعدك تبيع الكلب بتاعك او تبدله لو عندك رغبة فى ده.
* اما كلبك يكبر احنا بنكون مسئولين عن زواجه من اعلى السلالات من نفس النوع و اخراج اعلى انتاج و نوعيه من ال puppies و كمان حنساعدك انك تبعهم.
* لو حتسافر و عايز مكان لكلبك حنرشحلك أفضل أماكن الاستضافة خلال فترة سفرك.
* لو عايز تدرب كلبك حنرشحلك أفضل المدربين فى مصر و حنضمنلك نتيجة ممتازة خلال فترة قصيرة.
معآ لنشر هواية تربية الكلاب فى مصر و الارتقاء بالأنواع و السلالات
Dogs Egypt - Ahmed Baher
https://www.facebook.com/Dogs-Egypt-Ahmed-Baher-1068948869…/