Belange 3.6

بنؤمن بالتغيير .. وعلشان كدة بدأنا نغير في تفكير الناس وبدأنا نحل مشاكلنا بنفسنا وده عن طريق مشاريعنا السنة دي وهما

1- مشروع إحسان:
أثبت التاريخ أن مهما كانت مشاكل أي بلد .. مش محتاجين أكتر من 2% بس عشان يقوموا بالبلد. هدفنا فى إحسان إننا نوصل لل 2% دول. إحسان هو عبارة عن مسابقة بين فرق من المتطوعين هدفها الوصول لحلول شبه جذرية لشوية مشاكل بنواجهها فى مجتمعنا وتطبيق الحلول دي في نفس الوقت.
وعن طريق المسابقات دي هتبدأ الفكرة تنتشر في المناطق اللي هنحل المشاكل فيها لحد ما مصر كلها تبقى إحسان

2- مشروع التعليم:
قليلين جداً اللي مؤمنين بإن مشكلة زي التعليم حاجة ممكن تتغير حتى لو على المدى البعيد، من هنا قررنا نجمع الناس اللى مشتركة فى الرؤية ومؤمنين بالتغيير وبإننا لازم ناخد بالأسباب، وبعد منجمعهم؟!
هنشتغل فى البداية على 3 محاور أساسية:
- إحنا مش هنخترع العجلة: هنبحث وندور على تجارب ناجحة فى دول برا
- لازم نوصل للزتونة: عشان نعمل حل جذرى لازم نعرف أساس المشكلة
- هنجيب التايهة بس مش لوحدنا: هنطلع حلول مبتكرة للمشاكل وهنطورها بتطبيقها على نطاقات صغيرة
هيساعدنا فى ده التعاون مع باقي المنظمات والأنشطة اللى ليهم نفس الرؤية

ولو عايز تعرف أكتر عن المشاريع دي واحنا وصلنا لفين فيها، تابعنا على الصفحة أو خش على الموقع واعرف تفاصيل أكتر ولو عزت حاجة ابعتلنا على الصفحة واحنا هنرد عليك على طول