Arteka Space - Coworking Space 4.2

وَتَحْسُبُ أَنَّكَ جِرْمًا صَغِيرًا وَفِيكَ اِنْطَوَى العَالَمُ الأَكْبَرُ
Art Space, Gallery, Showroom, Cultural Hub and much more......
فى كوكب أرتيكا الموضوع مختلف .. بص انت قاعد فى الفضاء ..لاننا انفصلنا عن الواقع و البلد و العيشه و اللى عايشينها ... تعالى بقى وافصل
هيئنا الجو للى عايز يشتغل و اللى مش عايز يشتغل و اللى عايز يقرأ ... و اللى مش عايز يقرأ .. و المثقف و اللى مش مثقف
هيئنا الجو للفنانين اشى رسم و اشى نحت و اشى ميوزيك جديدة هادية لطيفه
هيئنا الجو لاى واحد بيذاكر أو فرى لانسر أو عنده مشروع عشان ييجى يشتغل فى أرتيكا قعده هادية جو بيشجع على الخيال نت 16 ميجا أكل و شرب و ظبطناله البدجيت عشان يبقى قعدته فى ارتيكا أرخص من قعدته فى بيته
عايز تطبع حاجه مش هضيع عمرك تانى مرمطه قدام المكتبات
عملنا قاعده عربى حته كده بيس أوف أرت
و بما اننا أرتيكا فهتلاقى نفسك قاعد فى معرض فيه جميع انواع الفنون اسرح بقى و عيش و أطلق لخيالك العنان
عايز تطبع صورتك او صورة حد بتحبه على المج اللى بتشرب منه ولا التيشيرت و لا شنطتك هتلاقى
عايز تترسم و انت قاعد شغال هتلاقى
عايزين تتصوروا و نتم قاعدين فوتو سيشن ببلاش شغال
عايز تجيب او تحفه فنيه أو هديه لنفسك أو لحد بتحبه هتلاقيها جنب كتفك
عندك موهبه فنيه و عايز تسوق ليها أو تشتغلها أو تطورها أو تمارسها ... أنتى فى أرتيكا يا هانم و أنت فى ارتيكا يا فنان بتهرجوا ولا ايه
بتحب تحضر حفلات فنيه ,امسيات ,افلام وثائقيه حاجه كده ترد الروح و ليها قيمه و معنى .. نبهنا قبل كده اننا فى #Arteka
سبيك من كل ده أهم حاجه الأكل و الشرب يا بيه ... قولنا بقى كله فى أرتيكا هتلاقى قهوتك ب 5 جنيه يا بيه ... و لو حتى عايز حاجه من بره أرتيكا نطلبهالك لحد باب الكرسى اللى انت قاعد عليه
للاستفسارات و المساعده ... للشكاوى و المقترحات إضغط على نفسك و تعالى أرتيكا ... هنتبسط


الاسعار بقى

25 جنيه سعر الساعه لو مجموعه من 3 افراد شامل 3 مشروبات ساخنه و طباعة 5 ورقات
35 جنيه سعر الساعه لو مجموعه من 4 افراد شامل 4 مشروبات ساخنه و طباعة 10 ورقات
45 جنيه سعر الساعه لو مجموعه من 5 افرادشامل 5 مشروبات ساخنه و طباعة 10 ورقات
50جنيه سعر الساعه لايجار الغرف لعمل ايفينت او ورش عمل او كورسات
350 جنيه لايجار غرفه واحدة لايفينت او ورشة عمل يوم كامل
500 العضوية الشهرية بدون مشروبات
800 العضوية الشهرية بدون حد اقصى للمشروبات
من مميزات العضوية خصم 10% على جميع الورش او الكورسات او الايفينتات او المعروضات

تقدروا تشرفونا فى اى وقت من الساعه 10 صباحا و حتى 11 ليلا كل يوم