أسرة الشارع 2.33

أسرة الشارع
أسم الأسرة "الشارع" عشان نحاول نعكس حياتنا ومجتمعنا عن طريق الأسرة، وتكون مكان لمناقشة قضاينا وظروفنا المعاصرة جوا الجامعة وبرا، ودا اللي هتتميز بيه أسرتنا.
أسرتنا هتشتغل على أنها تعد قيادات طلابية قادرة تساعد الطلاب في مطالبهم وأهتمامتهم جوا الجامعة، عن طريق ورش عمل وندوات ومناقشات في مجالات متعددة (اقتصادية، اجتماعية، ثقافية) ومجلة حائط بيشارك فيها طلاب المدينة.
التوعية بالقضايا العامة زي النسوية وقضايا المرأة والقضية الفلسطينية والاقتصاد المحلي والعالمي وربط ده بينا كطلبة، ده من برنامج الأسرة.
وجزء أساسي من شغل الأسرة هو حصر مشاكل الطلبة جوا المدينة ووضع مقترحات للوصول لحلول للمشاكل دي.
على المستوى الفني والإبداعي الأسرة هتوفر ورش عمل في مجالات مختلفة زي الرسم والتصوير والتمثيل، وهتكون فريق للمسرح لأول مرة في الجامعة.
الأسرة هتوفر برضه تدريب صيفي لأعضاءها في معاهد (الهندسة واللغات والترجمة) ومع الوقت في باقي المعاهد.