استديو الاحد 3.09

رغم اني حبيت المسرح من اولي اعدادي . وعجبتني فكره حكي الحدوته بالطريقه دي, بس اتعلمته في الجامعه ،وتحديدا مسرح الجامعه, قابلت هناك ناس علمتنا مسرح بضمير واخلاص وعشان كان عندهم منهج يعلموهولنا, قالولنا كمان ان الممثل بيبني نفسه طول ما هو عايش, واول ما تحس انك خلاص,و كم العلم اللي عندك كفايه . وكده انت خلّصت , يبقي ساعتها قضيت علي نفسك .
الممثل بيفضل شغال علي نفسه طول الوقت , مش معقول هتدخل معهد او اكادميه او ورشه او كورس او اي كان المسمي , وتطلع منها ممثل . ويبقي كده خلاص . لا قدامك وقت ومجهود ومذاكره طول الوقت . وده في اي مجال في الدنيا
المنهج اللي بنذاكره في الورشة من كتاب قسطنطين ستانسلافسكي ( اعداد الممثل ) . مدرسه وطريقه وكتاب . كل حاجه في الكتاب بتجربها بنفسك وهي اللي بتاخدك للخطوه اللي بعدها .
ببساطه انت بتصنع نفسك وطول ما انت شغال علي نفسك طول ما انت بتتطور .
الورشه عموما كنا بنعملها زمان قبل اي عمل مسرحي نبدأه , عشان كده اللعبه كانت حلوه .
بقالنا كتير بندور علي مكان نلعب فيه مسرح بس ما كناش لاقيين , واحنا كمان كان لينا طلبات عجيبه .
بس الحمد لله ... لقينا مكان في المعادي وعشان كده راجعين نلعب مسرح ومنتظرنكم .