جمعية زاد الخيرية 4

كان زمان كدة من اربع سنين ، 6 او 7 شباب نفسهم يساعدو الناس و يخدمو دينهم
فقررو انهم يفكرو في شوية حاجات بسيطة يعملوها في رمضان ، و كل واحد فيهم كان بيقول لاصحابه و اهله ، وكانو بيلمو اللي يقدرو عليه سواء من الفلوس او الملابس ، كانت فرحتم كبيرة في اول سنة لما عملو 20 شنطة رمضان ...ايوة كانو قليلين بس اهه علي قد اللي معاهم ، المهم الناس بدات تسمع بيهم و تعجبهم الافكار بتاعتهم ، و سنة وراء سنة عدد الشباب اللي بيشارك معاهم كتر و المشاريع بتاعتهم كترت والناس بدات تتبرعلهم ، والحمد لله عمر الموضوع مكان بيوقف علي حد طالما لوجه الله واخلاص النية المهم الشباب دول ما شاء الله عليهم عددهم كتر و في كل الاعمار السنية و الكليات المختلفة منهم الطب والصيدلة والهندسة والاداب والتجارة والحاسبات والحقووق ...الخ
و اجمل حاجة في الموضوع انهم بيحاولو كل واحد فيهم عنده موهبة في حاجة يبقي هو يهتم بموهبتو دي ويحاول يطورها علشان يبقي مسئول عن الموضوع اللي يخصها في العمل الخيري زي مثلا التصميم والمواقع و الفوتوشوب والاداره و العلاقات مع الناس المختلفة
المهم الشباب دول الحمد لله ربنا كرمهم و عملو اول جمعية اهلية ليهم في الاقصر
اسمها ( جمعية زاد الخيرية )