| ديجيتال دريمز للإعلام والإتصال|DigitaL Dream's For Communication Media | 4.42

-¤(دعوه للتغيير ... دعوه للحياه ... )¤-

¤ التغيير والتغير ..

هما سنة الحياه ،،

ومن لم يستطع أن يتغير ويغير ويطور من نفسه ، ليتماشي ويساير ويتكيف مع متطلبات العصر ومستحدثاته ..

فليعد نفسه للفناء و الإضمحلال ..

وسيكون معرض للإنقراض و السحق مثلما حدث مع الكائنات التي كانت تعيش علي كوكب

الأرض في بداية الخليقه ، ومثلما حدث مع الإنسان البدائي في العصور الأولي ..

جميعهم إنقرضوا وسحقوا بسبب عدم قدرتهم علي التكيف والتأقلم مع متغيرات العصور ..

ولم يبقي منهم سوي الرفات والهياكل دون أي شيئ جدير بالذكر في طيات التاريخ ..

لذا فالكره في ملعبك أنت.

إما أن تكون هذا او ذاك ..

إما ان تكون .. أو لاتكون ..

to be or not to be.

¤ فإيه رأيكم نعمل حمله ودعوه ووقفه من الآن للقضاء علي " الجهل والتخلف والفقر والظلم والسلبيه واللا مبالاه والمرض والذل والمعاناه والسلبيه وعدم تكافؤ الفرص والفساد ......... إلخ " وتكون دعوه لجمع مليون صوت مصري واعي حر " للقضاء علي كل السلبيات الموجوده فالمجتمع المصري . والتركه الثقيله من الفساد والإفساد والجهل والمحسوبيه والظلم والقهر والتخلف ..

التركه الثقيله التي تركها لنا النظام البائد المخلوع .، والمتفشيه في جزور جزور مجتمعنا المصري ،، انا عارف إن الموضوع صعب وكبير لإننا عايزين نصلح ونعالج ما تم إفساده طيلة 30 عام من الفساد والإفساد والذل والتدمير المدروس و الممنهج .،

بس لازم يكون عندنا أمل ، و إيمان ويقين بالله أولآ ، ثم بأنفسنا ، ثم بالعمل اللي إحنا مقبلين عليه ، ومشوار الألف ميل دايمآ بيبدأ بخطوه ،،، والصعود للقمر أكيد بدأ بفكره ،، ولازم كلنا نؤمن بقدراتنا

، ونؤمن إن مفيش حاجه إسمها مستحيل ، ونثق فالله ثم في أنفسنا ، ولازم كل واحد مننا يدعك نفسه جامد ، ويطلع المآآآرد اللي جواه ،

متستغربوش ،، أكيد كل واحد فينا جواه

مااااااارد محبوس " فقمقم ذاته " ، وجواه طاقه إيجابيه هائله وجباره ، لازم إنت بنفسك اللي تطلعها وتكتشفها .. جربوا مش هتخسروا حاجه . لازم كل واحد فينا يبدأ ويغير فنفسه ... بنفسه ولنفسه .

قال الله عزوجل في محكم آياته : بسم الله الرحمن الرحيم -¤( لا يغير الله ما بقوم حتي يغيروا ما بأنفسهم )¤- صدق الله العظيم .

دي كانت فكرتي .. ودي كانت دعوتي ..

" دعوه للتغيير ... دعوه للحياه "
بقلمى ...
Mohaned Shaker
12مايو 2013 م
اللى عجبه الموضوع ده وحابب يشارك معانا فالحمله يعرفنا بـ "لايك" ويقولنا رايه او اقتراحه فى كومنت او يراسلنا على بريد الصفحه .. وماتنسوووووش تعملوا شييييييييييير علشان توصل الحمله لاصحابكم ويشاركوا معانا فيها.