فنون تطبيقية والناس الحلوة ديه applied arts graduated 4.04

السلام عليكم ورحمة الله وبركاته ...
الصفحة ديه لكل الناس الموجودين في كلية فنون تطبيقية -
عاوزين نحاول نتجمع تاني زي زمان ....
الهدف اننا نقرب تاني كلنا من بعض ...نساعد بعض...
الي مبيشتغلش نحاول نشغله ...اللي زهقان من شغله نحاول ندورله علي شغل تاني احسن له...
الصفحة ديه مش مقتصرة علي الخريجين وبس
بل بالعكس ديه لكل الناس ولكل الدفعات
نفسي كل الناس اللي ليهم علاقة بكليتنا العزيزة اننا نتجمع في مكان واحد
نفسي دفعتي اللي انا بنتمي اليها دفعة 2008 اننا نتجمع تاني زي زمان
كلنا كنا في الكلية طلاب ..وكنا منعرفش ايه اللي هيحصلنا بعد التخرج
فيه اللي كان بيحلم انه يشتغل علي طول وبعد اما اشتغل لقي نفسه زهقان ومضايق
وفيه البنت اللي كان اهم حاجة عندها انها تتجوز وخلاص وبعد اما اتجوزت لقت ان مش ده اللي هيخليها تبقي فرحانة وبس
وفيه اللي كان نفسه يسافر ويمشي من البلد ب اللي فيها وبعد اما سافر لقي ان بلده ديه احسن بلد في الدنيا
فيه وفيه وفيه...
نفسي كلنا نرجع نتكلم تاني
واللي زعلان من حد يحاول يصالحه ...
الدنيا مش مستاهله ..ان شاء الله هنحاول نتجمع مش بس هنا
ان شاء الله بعد اما نكون عدد مناسب هنحاول نتجمع في مكان كل فترة ...
الصفحة ديه مش هتخصني انا وبس ديه لكل واحد متخرج من كليتنا وكل واحد عاوز يشارك براي او بحاجة ياريت والله ...