مؤسسة السلام للسيراميك - السيد علي 3.03

تعبتوا من الشعارات الكبيره؟ مليتوا من الجمل الانشائيه ؟ اتخدعتم كتير فى خصومات وهميه ... متقلقش ... لا هاقولك احنا الاكبر ولا احنا الاضخم ولا احنا الارخص ولا زورونا تجدوا مايسركم ولا حاجه من الكلام ده
احنا بمنتهي البساطه اصحاب رؤيه مختلفه للذوق الرفيع ... هتقولي بدأنا في الكلام الانشا اللي لا بيودي ولا بيجيب ... هاقولك ابدا
الموضوع ببساطه شديده كالاتي .. ربنا خلق الكون دا كله جميل .. بأرضه بسماه بصحاريه بجباله بغباته بأنهاره ببحاره ومحيطاته لكن هتلاقي ناس شايفه البحر اجمل وناس شايفه الجبال احلي وناس تحب الصحرا اكتر وهكذا ... بمعني ان ان مش كل الناس هتشوف الجمال بنفس الطريقه .. لحد هنا مفيش مشكله لانك مش لازم تشتري الجبل ولا هتعيش في المحيط
المشكله بتحصل لما تحب تشتري سيراميك لان معارض السيراميك هتلاقي فيها موديلات كتير جميله .. هتلاقي فيها كل الالوان اللي ممكن تخطر علي بالك ..هتلاقي فيها عدد مهول من التصميمات والمقاسات .. موديلات كتير هنعجبك وموديلات كتير لا ... وموديلات تانيه هتحيرك وموديلات هتعجبك لكن مش عاجبك طريقة عرضها ونفسك تاخدها بس مش عارف تصممها عندك ازاي
دا بيخلي الاختيار في السيراميك صعب ومحير لانك طبعا نفسك تعمل احلي بيت وعامل ميزانيه محدده وفي نفس الوقت السيراميك ده بيركب مره واحده تقريبا في العمر يعني مش كل يوم هتغيره.
ولا يهمك ... احنا معاك ... مش هنسيبك فريسه للحيره .. هنساعدك .. لاننا موفرين لك افضل شركات للسيراميك في مصر ..سيراميكا رويال وسيراميكا جلوريا ولسه ... افضل اطقم الحمامات والبانيوهات شركة ديورافيت ... ايديال ستاندرد ... سيرجامين .. افضل اطقم الخلاطات ... ايديال ستاندرد ... هانز جروهي ... سيرا ديزاين
هنساعدك في التصميم .. هنتكلم معاك ومن كلامك وبخبرتنا هنقدر نوصلك لافضل الاختيارات اللي تناسب ذوقك وكمان ميزانيتك ... المهم في الاخر انت واحنا نطلع كسبانين مش احنا بس وهنفضل معاك خطوه خطوه للاخر لحد متعمل البيت اللي تتمناه وبتحلم بيه ..